സ്വാതന്ത്ര്യം തരാം

പെണ്ണേ നിനക്കെന്റെ കൂടെപ്പോന്നൂടെ

യാത്രകള്‍

പുല്‍ മേടുകള്‍

മൈതാനങ്ങള്‍

കോട്ടകൊത്തളങ്ങള്‍

കടല്‍

കാട്

പൂമരം

താമരപ്പൊയ്കകള്‍

നീ കാണാത്ത ലോകങ്ങള്‍

പകരമായൊന്നും നീ....

നിനക്കെഴുതാം

വായിക്കാം

സ്വപ്നം കാണാം

പിന്നെ

ഇതു കൂടി ചെയ്യണം

എന്നെ പ്രണയിക്കണം

ഒരു ചുമ്മ ചുണ്ടില്‍

ഒരു കമ്മ കവിളില്‍

ഒരു മമ്മ മാറില്‍

ഒരു മുമ്മ മുലയില്‍

മനസിലായോ

ഡാ........

നീ വിളിക്കുമ്പോള്‍

എനിക്കു വരാതിരിക്കാനാവില്ലല്ലോ

പക്ഷേ

എന്റെ പൊന്നേ

രാവിലെ ഉണര്‍ന്നാല്‍

ചായ തിളപ്പിച്ചുപോകുമല്ലോ

സ്വപ്നങ്ങളുടെ ചപ്പും ചവറും തൂത്തു കളയുമല്ലോ

അലക്ഷ്യമായി ഊരിയെറിഞ്ഞ അടിവസ്ത്രങ്ങള്‍

വെള്ളത്തില്‍ കുതിര്‍ക്കുമല്ലൊ

എന്റെ പൊന്നേ

നീ വേണ്ടെന്നു പറയരുത്

ചൂടു ദോശ

മുളകുചമ്മന്തി

ഉച്ചക്ക് കുത്തരിച്ചോറ്

മീന്‍ കറി

വിളമ്പാനും ഊട്ടാനും നീ

എഡാ..............

ഞാനതൊക്കെയും ചെയ്തു പോകുമല്ലോ

അരുതെന്ന് പറയരുത്

ഉച്ച മയങ്ങുമ്പോള്‍

നീ കൂട്ടുകാരുമായി സല്ലപിച്ചോളൂ

അവസാനപാത്രവും വെള്ളം തോര്‍ത്തി വെച്ച്

ഒരേ കിടക്കയുടെ സ്വാതന്ത്ര്യത്തിലേക്ക് നമ്മള്‍